BBA // FJELDCO IS

Nýleg Mál

Kaup og uppbygging Safír bygginga ehf. á Orkureitnum í Reykjavík.

BBA//Fjeldco var ráðgefandi er Safír byggingar ehf. keypti byggingarheimildir fyrir hinn svokallaða Orkureit við Ármúla í Reykjavík fyrir 5,1 billjón króna. Orkureiturinn er nýtt vistvænt íbúðahverfi sem spannar yfir 40,000 m2 og þar munu verða 436 íbúðir ásamt rýmum fyrir verslanir og þjónustu. Stofan sá um áreiðanleikakannanir, samningaviðræður, strúktúr og víðtæka samningagerð. BBA//Fjeldco veitti einnig lögfræðilega ráðgjöf við fjármögnun kaupanna, sem fólu í sér bæði nýtt fjármagn frá fjárfestum og lántöku, og mun halda áfram að veita ráðgjöf við áframhaldandi uppbyggingu reitsins, t.a.m samningagerð varðandi starfsmanna- og skipulagsmál o.fl.

Viðskipti hafin með hlutabréf Íslandsbanka hf. eftir vel heppnað frumútboð

BBA//Fjeldco veitti Bankasýslu ríkisins og Íslandsbanka hf. lögfræðilega ráðgjöf í tengslum við frumútboð Íslandsbanka, sem reyndist vera það stærsta í sögu Íslands og stærsta frumútboð á evrópskum banka frá árinu 2018.

Fyrir útboðið var Íslandsbanki í fullri eigu Bankasýslu ríkisins, fyrir hönd Ríkissjóðs Íslands. Bankasýsla ríkisins mun áfram fara með 65% af heildarhlutafé í Íslandsbanka eftir útboðið, að því gefnu að valréttur verið að fullu nýttur.

Fjölmargir ráðgjafar, innlendir og erlendir, komu að verkefninu sem var yfirgripsmikið og margslungið.

‍

Samruni TM hf., Lykils fjármögnunar hf. og Kviku banka hf.

BBA//Fjeldco annaðist alla þætti lögfræðiráðgjafar vegna samrunans, sem er einn stærsti samruni síðustu ára, þ.m.t. ráðgjöf um fyrirkomulag samrunans, gerð samrunaskjala, skattaráðgjöf og samskipti við eftirlitsaðila, þ.e. Samkeppniseftirlitið, Fjármálaeftirlit Seðlabanka Íslands og Kauphöll.

Langisjór ehf. kaupir allt hlutafé Ölmu íbúðarfélags hf.

BBA//Fjeldco veitti Langasjó ehf. lögfræðilega ráðgjöf við kaup á öllu hlutafé Ölmu íbúðafélags hf., þ.m.t. við gerð lögfræðilegrar og skattalegrar áreiðanleikakönnunar, kaupsamningsgerð og fjármögnun.

Alma íbúðafélag hf. er eitt stærsta fasteignafélag landsins sem á og rekur rúmlega 1100 íbúðir sem staðsettar eru á höfuðborgarsvæðinu og víðsvegar um landið. Langisjór ehf. er móðurfélag nokkurra fyrirtækja í framleiðslu og dreifingu á matvælum m.a. Mata hf., Matfugl ehf. og Síld og fiskur ehf., og fjárfestingarfélagsins Brimgarðar ehf.

‍

KAUP Á ICELANDIC IBERICA

BBA//Fjeldco var lögfræðilegur ráðgjafi Iceland Seafood í tengslum við kaup á Icelandic Iberica, einn af leiðandi útflutningsaðilum á fiski. Um var að ræða stærstu yfirtöku skráðs félags á árinu 2018.

KEA Hotels

BBA//Fjeldco veitti kaupendum KeaHotels ráðgjöf í kaupferlinu. Sömuleiðis var BBA//Fjeldco helsti lögfræðilegi ráðgjafinn í fjármögnunarferlinu.

KORTA

BBA//Fjeldco veitti lögfræðilega ráðgjöf við kaup fjárfesta á KORTA, einu af leiðandi greiðsluþjónustufyrirtækjum landsins.

KAUP Á NOVA

BBA//Fjeldco veitti lögfræðilega ráðgjöf til fjárfesta sem keyptu 50% hlutafjár í fjarskiptafyrirtækinu Nova. Þá var BBA//Fjeldco helsti ráðgjafinn í fjármögnunarferli kaupanna.