Tómas Jökull Thoroddsen

BBA//Fjeldco veitti Skyggni Eignarhaldsfélagi hf. ráðgjöf við sölu á öllu hlutafé í Ofar hf. til Nova klúbbsins hf. en Ofar  er eitt stærsta þjónustufyrirtæki landsins á sviði tæknibúnaðar og lausna og þjónustar langflest stærri fyrirtæki á Íslandi. Við veittum Skyggni alhliða lögfræðilega ráðgjöf í tengslum við viðskiptin, þar á meðal við undirbúning, samningsgerð og framkvæmd kaupsamningsins. Samningur um viðskiptin var undirritaður í febrúar 2026 og er salan liður í áframhaldandi þróun og endurskipulagningu eignasafns Skyggnis.

BBA//Fjeldco teymið samanstóð af Halldóri Karli Halldórssyni, Ragnari Snæ Kærnested, Friðberti Þór Ólafssyni og Tómasi Jökli Thoroddsen, og óskum við Skyggni, Ofar og Nova klúbbnum til hamingju með vel heppnuð viðskipti og þakkar Skyggni og Arctica Finance hf. sömuleiðis fyrir gott og farsælt samstarf en Arctic Finance hf. veitti fjárhagslega ráðgjöf við söluna.

BBA//Fjeldco veitti hluthöfum Arnarlands ehf. alhliða ráðgjöf í tengslum við sölu félagsins til ÞG Verks.

Arnarland ehf. var samstarfsverkefni í eigu Arion banka hf. (í gegnum dótturfélagið Landey ehf.) og fasteignaþróunarfélags tengdu Ósum – lífæð heilbrigðis hf., móðurfélag Icepharma hf. og Parlogis ehf. Félagið á fasteignina Arnaland, sem er um 10 hektara svæði staðsett á milli Garðabæjar og Kópavogs, og réttinn til að byggja þar upp heilsutengda íbúabyggð og þjónustu. Gert er ráð fyrir 450 íbúðum og 36.000 fermetrum af atvinnuhúsnæði á Arnarlandi, sem er eitt af síðustu stóru óbyggðu svæðunum á höfuðborgarsvæðinu.

BBA//Fjeldco hefur verið lögfræðilegur ráðgjafi Arnarlands ehf. frá upphafi verkefnisins, þar á meðal í gegnum samningaviðræður við Garðabæ um samstarfssamning um verkefnið árið 2021 og þróun þess síðan þá. BBA//Fjeldco sá um utanumhald og framkvæmd viðskiptanna, þar á meðal skipulag viðskiptanna, skjalagerð, uppgjör og afhendingu. Lögmannsstofan gegndi  einnig hlutverki vörsluaðila fyrir bæði kaupanda og seljendur.

BBA//Fjeldco teymið samanstóð af Kára Ólafssyni og Tómasi Jökli Thoroddsen.

Almennt hlutafjárútboð á 20% hlut í Íslandsbanka hófst þann 13. maí síðastliðinn og lauk þann 15. maí 2025. Salan markaði lokastig einkavæðingar bankans og var söluverðið 90,5 milljarðar króna en heildareftirspurn nam 190 milljörðum króna.

Þátttaka almennings í útboðinu var fordæmalaus og var útboðið stækkað til að mæta eftirspurn. Rúmlega 31.000 almennir fjárfestar buðu samtals 88,2 milljarða króna í tilboðsbók A, sem var eingöngu ætluð einstaklingum. Þessir fjárfestar fengu forgangsúthlutun án skerðingar og stóðu fyrir um 97,4% af heildarvirði útboðsins. Einkavæðingin er sú stærsta í sögu Íslands og heildarsöluandvirði bankans nam 224,7 milljörðum króna þegar fyrri útboð á 35% hlut í júní 2021 fyrir 55,3 milljarða króna og 22,5% hlut í mars 2022 fyrir 52,7 milljarða króna eru tekin með.

BBA//Fjeldco veitti aðstoð við samningaviðræður við umsjónaraðila sölunnar ásamt gerð útboðslýsingar og annarra gagna og veitti aðra lögfræðiráðgjöf í útboðinu.

Stofan óskar fjármála- og efnahagsráðuneytinu til hamingju með vel heppnað og sögulegt útboð. Einnig þakkar BBA//Fjeldco ráðuneytinu, Íslandsbanka, Landsbankanum og Milbank LLP fyrir gott og árangursríkt samstarf.

‍

Nýsköpunar- og tæknifyrirtækið GreenFish hefur lokið sinni fyrstu fjármögnunarlotu en félagið þróar gervigreindarlíkön sem veita félögum í sjávarútvegi allt að tíu daga spá um staðsetningu fisks, ásamt mati á magni, gæðum og samsetningu afla. Þess má geta að félagið vann til íslensku sjávarútvegsverðlaunanna í fyrra og í ár vann Greenfish nýsköpunarverðlaun sjávarafurða í Noregi. Fjármögnunin mun gera félaginu kleift að styrkja þróunarstarf fyrirtækisins ásamt því að stuðla að auknu sölu- og markaðsstarfi á erlendum mörkuðum.

BBA//Fjeldco var ráðgjafi GreenFish í fjármögnunarferlinu ásamt Arctica Finance.

Við óskum GreenFish til hamingju með árangsríka fjármögnun og þökkum gott samstarf.