Austri Þorsteinsson

BBA//Fjeldco veitti Styrkási hf. lagalega ráðgjöf vegna kaupa á öllu hlutafé Malbiksstöðvarinnar ehf. ásamt lóðum félagsins á Esjumelum. Hluti kaupverðsins verður greiddur með útgáfu nýrra hluta í Styrkási. . Með kaupunum verður til fimmta kjarnasvið Styrkáss, sem mun auka getu samstæðunnar til uppbyggingar og viðhalds samgönguinnviða. Viðskiptin koma í aðdraganda þess að Styrkás undirbýr skráningu á aðallista Nasdaq Iceland, sem er á dagskrá á næsta ári. Viðskiptin eru háð hefðbundnum fyrirvörum, meðal annars um samþykki Samkeppniseftirlitsins.

Teymi BBA//Fjeldco samanstóð af þeim Halldóri Karli Halldórssyni, Stefáni Birni Stefánssyni, ásamt Austra Þorsteinssyni, Brynjari Frey Garðarssyni, Elínborgu Jónsdóttur, Karolinu María Krawczuk, Stefni Guðmundssyni og Arnari Heimi Lárussyni.

Við óskum Styrkási til hamingju með þennan áfanga og þökkum öllum sem komu að verkefninu fyrir gott og árangursríkt samstarf.

BBA//Fjeldco veitti Langasjó lögfræðilega ráðgjöf við kaup á Freyju, þ.m.t. við gerð lögfræðilegrar og skattalegrar áreiðanleikakönnunar og kaupsamningsgerð.

Fjölskyldufyrirtækið Freyja, sem var stofnað árið 1918, er elsta starfandi sælgætisgerð á Íslandi. Freyja framleiðir og markaðssetur ótal vel þekkt vörumerki fyrir sinn heimamarkað hér á Íslandi en einnig til útflutnings þar sem sælgætið frá Freyju er í stöðugri sókn. Langisjór er móðurfélag nokkurra fyrirtækja í framleiðslu og dreifingu á matvælum m.a. Mata hf., Matfugl ehf. og Síld og fiskur ehf.,fjárfestingarfélagsins Brimgarðar ehf. og Ölmu íbúðarfélags hf. sem er eitt stærsta fasteignafélag landsins.

Sjá frekari uppl.hér: https://www.vb.is/frettir/selur-freyju-til-langasjos/ og hér: https://www.mbl.is/vidskipti/frettir/2022/11/29/langisjor_kaupir_freyju_saelgaetisgerd/

‍

‍