Sara Rut Sigurjónsdóttir

Almennt hlutafjárútboð á 20% hlut í Íslandsbanka hófst þann 13. maí síðastliðinn og lauk þann 15. maí 2025. Salan markaði lokastig einkavæðingar bankans og var söluverðið 90,5 milljarðar króna en heildareftirspurn nam 190 milljörðum króna.

Þátttaka almennings í útboðinu var fordæmalaus og var útboðið stækkað til að mæta eftirspurn. Rúmlega 31.000 almennir fjárfestar buðu samtals 88,2 milljarða króna í tilboðsbók A, sem var eingöngu ætluð einstaklingum. Þessir fjárfestar fengu forgangsúthlutun án skerðingar og stóðu fyrir um 97,4% af heildarvirði útboðsins. Einkavæðingin er sú stærsta í sögu Íslands og heildarsöluandvirði bankans nam 224,7 milljörðum króna þegar fyrri útboð á 35% hlut í júní 2021 fyrir 55,3 milljarða króna og 22,5% hlut í mars 2022 fyrir 52,7 milljarða króna eru tekin með.

BBA//Fjeldco veitti aðstoð við samningaviðræður við umsjónaraðila sölunnar ásamt gerð útboðslýsingar og annarra gagna og veitti aðra lögfræðiráðgjöf í útboðinu.

Stofan óskar fjármála- og efnahagsráðuneytinu til hamingju með vel heppnað og sögulegt útboð. Einnig þakkar BBA//Fjeldco ráðuneytinu, Íslandsbanka, Landsbankanum og Milbank LLP fyrir gott og árangursríkt samstarf.

‍

BBA//Fjeldco óskar Arctic Therapeutics til hamingju með að hafa lokið árangusríkri 26,5 milljón evra fjármögnun r. Þessi áfangi mun gera fyrirtækinu kleift að hefja frekari klínískar rannsóknir á lyfum Arctic Therapeutics til meðferðar við heilabilun og húðbólgusjúkdómum.

Arctic Therapeutics er enn eitt glæsilegt dæmi um íslenska nýsköpun og BBA//Fjeldco styður fyrirtækið með stolti á vegferð þeirra við að sinna þörfum og bæta lífsgæði sjúklinga um allan heim. Það verður spennandi að fylgjast með næsta kafla hjá fyrirtækinu.

BBA//Fjeldco óskar Arctic Therapeutics aftur til hamingju með vel heppnaða fjármögnun.

BBA//Fjeldco ráðlagði Holding Cage AS in tengslum við kaup Hampiðjunnar á norska félaginu Morenot AS sem þjónustar og selur vörur til sjávarútvegsfyrirtækja, fiskeldi og olíuiðnaði. Hampiðjan er alþjóðlegt fyrirtæki og leiðandi á sviði framleiðslu neta og veiðarfæra sem nú starfar á 35 stöðum víðsvegar um heiminn frá Alaska til Nýja-Sjálands. Morenot AS styrkir markaðsstöðu samsteypu Hampiðjunnar enn frekar. Kaupin fólu í sér víðtækar áreiðanleikakannanir og voru háð samþykki samkeppnisyfirvalda á Íslandi, í Færeyjum og á Grænlandi.

BBA//Fjeldco var Íslandsbanka til ráðgjafar í tengslum við fjármögnun á kaupum franska fjárfestingasjóðsins Ardian France SA á Mílu ehf. Í því fólst m.a. ráðgjöf og viðræður í tengslum við gerð lánssamnings og skjalagerð vegna útgáfu skuldabréfa, samkomulag lánardrottna og tryggingaráðstafanir.

BBA//Fjeldco veitti Íslandsbanka hf. lagalega ráðgjöf í sölu á Reykjavík DC hf., einu fullkomnasta gagnaveri á Íslandi, til íslensks félags sem franski fjárfestingarsjóðurinn Vauban Infrastructure Partners á meirihluta í. Íslandsbanki eignaðist Reykjavík DC hf. í kjölfar skuldauppgjörs við kröfuhafa félagsins og jók það á flækjustig sölunnar varðandi samningaviðræður og skjalagerð. BBA//Fjeldco aðstoðaði við gerð samnings um hlutabréfakaup ásamt því að ráðleggja bankanum í gegnum allt söluferlið frá útboði til undirritunar.

BBA//Fjeldco veitti Bankasýslu ríkisins og Íslandsbanka hf. lögfræðilega ráðgjöf í tengslum við frumútboð Íslandsbanka, sem reyndist vera það stærsta í sögu Íslands og stærsta frumútboð á evrópskum banka frá árinu 2018.

Fyrir útboðið var Íslandsbanki í fullri eigu Bankasýslu ríkisins, fyrir hönd Ríkissjóðs Íslands. Bankasýsla ríkisins mun áfram fara með 65% af heildarhlutafé í Íslandsbanka eftir útboðið, að því gefnu að valréttur verið að fullu nýttur.

Fjölmargir ráðgjafar, innlendir og erlendir, komu að verkefninu sem var yfirgripsmikið og margslungið.

‍

BBA//Fjeldco annaðist alla þætti lögfræðiráðgjafar vegna samrunans, sem er einn stærsti samruni síðustu ára, þ.m.t. ráðgjöf um fyrirkomulag samrunans, gerð samrunaskjala, skattaráðgjöf og samskipti við eftirlitsaðila, þ.e. Samkeppniseftirlitið, Fjármálaeftirlit Seðlabanka Íslands og Kauphöll.

BBA//Fjeldco var lögfræðilegur ráðgjafi Icelandair hf. í tengslum við sölu Icelandair Hótela og tengdra eigna til BerJaya Corporation.

BBA//Fjeldco var lögfræðilegur ráðgjafi Innergex Renewable Energy við kaup félagsins á Alterra Power Corp., sem á meirihluta hlutafjár í íslenska orkusölufyrirtækinu HS Orka. Virði viðskiptanna var metið á 1,1 milljarð Bandaríkjadala.

BBA//Fjeldco var ráðgjafi Sjóklæðagerðarinnar hf. í tengslum við 30 milljóna Evra fjárhagslegri endurskipulagningu á félaginu.